Heeeeeeeeeeeeeeeey!

Ja, ig weiss gar nid mit was dasi da soell afa verzeue... Itz sis scho bald drue wuche, dass ig hie in Manila bi und ig wuerd mau sege, ig ha mi erst kulturshock guet ueberstande;-)

Die erste tage wo ig hie verbracht ha, isch mr aues so luut, und laebhaft vorcho und es isch gsi, aus waer ig zmitts imne troum. Doch scho gli bini vo dem troum ufgwachet und ha mit froeide doerfe feststelle, dass das hie realitaet isch und itz chani das aues i voue zueg gniesse;-)

Ir Noah's Ark bini sehr fruendlich empfange worde und fuehle mi scho es stueckli deheime. D' Kids wo hie here choeme si groesste Teils waisekinder, wo ihrem churze Laebe scho auerlei erlebt hei. Zurzyt wohne hie im ganze 11 Kids, und es geit dem entsprechend lebendig zue und her. Doch scho gli wirds ruhiger, da einigi i ihri adoptiv Familie doerfe gah. Das isch sehr spannend, da jedes ines anders Land adoptiert wird. Ig schaffe hie jewils acht stund und i mire Freizyt gits e hufe interessanti sache z mache;

Ig lise viu (imfau wuerklich!!) gniesse eifach s schoene wetter oder gang allei oder mit suesch operem i eis vo de riesige Ichoufszentre hie in Manila. Die si unvorstellbar gross hie und es git nuet, wo me hie nid ueberchunnt!! Das si haut no d'Spure vo de Amerikaner hie. Am Abe luege mr jewils mitenand TV, au die amerikanische Shows si immer sehr amuesant und fuer mi e gueti uebig zum english lehre;)

D'Luet hie rede eigentlich Tagalog. Doch fasch aui rede ou english, so ou ueser kids. Obwohl me nie genau weiss, was si verstoeh und was si nid wei verstah... Aber ig lehre natuerlich ou die wichtigste woerter in Tagalog- dasch aber nid immer eifach;)

Wohne tueni mit zwoei Andere Froue imne Apartment grad nebe de Kids. Sit wenige Tage hani es eigets Zimmer, da mini Zimmergenossin - e Philippina- nur fuer churzi zyt hie gsi isch.

Zum Esse gits eigentlich immer Riis mit Fleisch, Gmues oder Fish. Und weme nid deheime isst, het me d'Wahl zwuesche Mc Donalds, Burgerking, Wendy's, oder Pizzahut. Ueberau ueberchunnt me oepe s gliche, und natuerlich ou immer Riis und Chicken!!

Ja, das isch so wasi genau hie mache zum Afang...

Ab morn hani scho s erste mau Ferie und wirde fuer 2 Wuche mit em Dahnu und Thoemu wo witere Wuche ou da in Manila si, gah dr Strand unsicher mache! Ou d'Hester wird mitcho, si isch, wie ig hie aus Volonteer, doch isch scho sit em Februar hie und het so scho chli meh Erfahrig aus ig und mir e grossi Hiuf!

Ja, ab itze wirdi eifach ab und zue stories verzeue, wie die vo gester, wo mir ide slums si gsi. Was ungloublich idruecklich gsi isch!!