Hallo!

Itz bini ou wider us mine Ferie zrugg. Hie ir Noah's Ark het mi e bsunderi Ufgab erwartet: Mir hei kei Kochin meh, so darf ig itz die Ufgab uebernaeh. Das heisst zwar weniger Zyt mit de Kids verbringe, drfuer lehre ig itz richtig philippinisch koche ;)

Doch hie geit aues ziemli schnell; huet isch sich scho oeper cho vorstelle und fangt wenns klapt am fritig scho a. Bis denn bi ig aber no flissig am putze und choche hie und wirde mi de umso meh uf d'Aktivitaete mit de Kids freue!!

Ja, Mjsy die Phoeteli... die zeige eigentlich nid es Gramm vo dere umwerfend paradisische Welt hie!! Es isch eifach ungloublich, doch d'Luet hie, empfinde das aus normal und fuer si beduetet s'Paradis Berge, Schnee, Huegle,etc.

Die 2. Wuche vo uesne Ferie hei mir in Bohol verbracht, das isch eini vo de suedliche Inslene. Ueberall isch zwar schlecht wetter gsi, nur mir hei in Bohol doerfe Sunne gniesse. Das isch vou idruecklich gsi.

Ernaehrt hei mir ues di ganz Zyt vo Mc Donalds und ab und zue Pizza, so dass mir ues wider richtig ufs Riis hei gfroeit:-) hehe

Aber oepis anders kenne die hie nid wuerkli:( Wieu me eigentlich nie es iheimischs Restaurant gseht..

Ja, eigentlich hani ungloublich viu erlaebt i mine Ferie, doch isch das gar nid so eifach ufzschribe.

Ei tag simer zu de Chocolat Hills greiset. Das si ganz viu huegeli ufem Flachland, wo si sege, si gseh us wie Schoggi, wieu si ire gwuesse Zyt ganz brun werde... Isch e grossi turisteattraktion in Bohol. Doch genau darum hets mir gar nid so guet gfaue dert; aui Touriste hesch uf dem einte ussichtspunkt a eim Huufe gfunde...

Ufem Heiweg simer noeime aghaute fuer die groessti PhytonSchlange gah zbesichtige und ou e Schmetterlingfarm simer gah aluege.

Dr Tag vorher heimer amne Wasserfall verbracht, das isch herrlich gsi, wieder mau in Suesswasser zbade!!!

Ja, und itz fangt bi mir wider dr Alltag a, froeie mi total. Es isch es schoens Gfuehl gsi, wider "hei" zcho hie zManila. Ou dr Thoemu und Daenu fuehle sich gloub scho chli doheime ir Rehab :) wo si no es Zytli waerde blibe itz, was mi natuerlich vou froeit!!

Churzi Zaemefassig vo de Ferie: Ig ha scho lang nueme sooooo vieu glachet und sooooo vieu Fun gha wie i dene 2 Wuche! Danke Jungs:-) hehe